काठमाडौं । नेपालले विदेशमा रहेका आफना नागरिकको उद्दार थालेको छ । यस क्रममा शुक्रबार म्यानमारबाट २६ जना नेपाली घर फर्किए । घुमघाम तथा आफन्तलाई भेट्न पुगेका २६ जना नेपाली उडानमाथिको प्रतिवन्धसँगै म्यानमारमा अड्किएका थिए । शुक्रबार म्यानमारी एयरफोर्सको जहाजले उनीहरुलाई काठमाडौं छाडेको छ । त्यहाबाट नेपाली सेनाले होल्डिंग सेन्टरमा लगेर राखेको छ ।

एक दिन उक्त सेन्टरमा राखेपछि सम्बन्धित स्थानीय तहले खडा गरेको क्वारेन्टाइनमा पठाइनेछ । इच्छुक भने होटेल वा साविकमा घरमा रहेका व्यक्तिलाई भने होम क्वारेन्टाइनमा समेत पठाइने छ । म्यानमार एयरफोर्सको जहाज फर्कदा भने ४३ जना म्यानमारका नागरिक काठमाडौंबाट फिर्ता भएका थिए । सरकारले शुक्रबारबाट नेपालीलाई स्वदेश भित्राउने अनुमति दिएको हो ।