पोखरा । गण्डकी प्रदेशमा आइतबार ३८ जनामा कोरोना भाइरसको संक्रमण पुष्टी भएको छ । गण्डकी प्रदेश स्वास्थ्य निर्देशनालयले सार्वजनिक गरेको विवरण अनुसार स्याङ्जामा १४, बाग्लुङमा १०, गोरखामा १० र नवलपरासी बर्दघाट सुस्ता पूर्वमा ४ जनामा कोरोना देखिएको हो । पोखरास्थित स्वास्थ्य बिज्ञान प्रतिष्ठानमा भएको परीक्षणले ३८ जनामा कोरोना पुष्टी भएको हो । कोरोना पुष्टी हुने अधिकांश भारतबाट नेपाल फर्किएका व्यक्ति हुन् ।

उनीहरु क्वारेन्टाइनमा रहेको बताइएको छ । स्याङ्जा वालिङ र भीरकोट नगरपालिकाका १४ जना पुरुषमा कोरोना देखिएको छ । बाग्लुङको बडिगाड गाउँपालिका र ढोरपाटन नगरपालिकाकाका १० जनामा कोरोना देखिएको हो । गोरखामा पहिलो पटक सर्वाधिक संख्यामा संक्रमित थपिए । गोरखाको पालुङटार नगरपालिकाका र गण्डकी गाउँपालिकाका १० जनामा कोरोना देखिएको छ ।

नवलपरासीको हुप्से गाउँपालिकाका ४ जनामा समेत कोरोना देखिएको छ । अब गण्डकी प्रदेशमा संक्रमितको संख्या ११३ पुगेको छ। शनिबारसमेत यहाँ ठूलो संख्यामा संक्रमित थप भएका थिए ।