काठमाडौं । कोरोना भाइरसको संक्रमणबाट विश्वभर मृत्यु हुने मानिसको संख्या ४ लाख नाघेको छ । सोमबार बिहानसम्मको तथ्यांक अनुसार विश्वभर ४ लाख ५ हजार ७४ जनाको निधन भएको हो । पछिल्लो २४ घण्टामा मात्र ३ हजार ३ सय ७५ जनाको ज्यान गएको छ । ५ महिनादेखि जारी महामारीले विश्वका २१३ मुलुकलाई प्रभावित बनाइसकेको छ । २ वटा पानीजहाजमा पनि यसको संक्रमण रहेको छ ।

संसारभर संक्रमित व्यक्तिको संख्या भने ७० लाख ८२ हजार रहेको छ । पछिल्लो २४ घण्टामा १ लाख १२ हजार ६८९ जना नयाँ संक्रमित थपिएको आंकडा रहेको छ । यसबीचमा ३२ लाख २० हजार ५०० जनाको उपचार जारी छ । उनीहरुमध्ये पनि ५३ हजार ७५८ जनाको अवस्था गम्भीर रहेको आंकडा छ । ३४ लाखभन्दा बढी व्यक्तिले भने कोरोनालाई जित्न सफल भएका छन् ।

कोरोना भाइरसबाट युरोपियन मुलुकमा अहिलेसम्म १ लाख ७८ हजार ९४३ जनाको मृत्यु भएको छ । २० लाख ९४ हजार ३२४ जना संक्रमित थिए । १० लाख ८२ हजार १२८ जना निको भएका छन् । उत्तर अमेरिकी मुलुकहरुमा १ लाख ३५ हजार ५३० जनाको मृत्यु भएको छ । संक्रमितको संख्या २२ लाख ७८ हजार ५९ छ । ९ लाख २५ हजार ४४७ जनाले भाइरसलाई जितेको छन् । एसियाली मुलुकहरुमा ३५ हजार २५ जनाको मृत्यु भएको छ ।

१३ लाख ६१ हजार २४९ जना संक्रमित छन् । ८ लाख २२ हजार २९६ जनाले कोरोनालाई जित्न सफल भएका छन् । दक्षिण अमेरिकी मुलुकमा ५० हजार २२२ जनाको मृत्यु भएको छ । ११ लाख ४६ हजार ४७० जना संक्रमित भएकोमा ५ लाख ३१ हजार ३६४ जना संक्रमणमुक्त भएका छन् ।

अफ्रिकी मुलुकहरुमा ५ हजार २१५ जनाको ज्यान गएको छ भने १ लाख ९२ हजार ११८ जना संक्रमित छन् । संक्रमितमध्ये ८४ हजार ९१९ जना संक्रमणमुक्त भएका छन् ।

त्यस्तै अष्ट्रेलियासहित ओसिनियाका मुलुकहरुमा १२४ जनाको मृत्यु भएको छ । ८ हजार ८७० जना संक्रमित भएकोमा ८ हजार २८९ जना संक्रमणमुक्त भएका छन् । नेपालमा ३५ सय भन्दा बढी व्यक्तिमा संक्रमण भएको छ । १४ जनाको निधन भएको छ ।