घूमघाम

नारायणघाट-मुग्लिन सडक एकतर्फी संचालन

File

चितवन । बुधबार बिहान पहिरो गएपछि अवरुद्ध भएको नारायणगढ मुग्लिन सडक एकतर्फी सञ्चालनमा आएको छ । साँझ ६ः३० मा यो सडक खण्ड एकतर्फी रुपमा सञ्चालनमा आएको हो । चितवनको ईच्छाकामना गाउँपालिका ६ स्थित चारकिलो भन्ने स्थानमा पहिरो खसेपछि बाटो अवरुद्ध भएको हो । पहिरो हटाएर १४ घण्टापछि एकतर्फी रुपमा सडक सञ्चालनमा आएको प्रहरीले जानकारी दिएको छ ।

आज पनि वर्षा निरन्तर जारी रहेका कारण सडक पुरै क्लियर हुन भने सकेन । बिहीबारसम्म दुईतर्फ सडक संचालनमा ल्याउन सकिने सम्भावना रहेको छ । चारकिलोमा माथिबाट ठूलो माटोको थुप्रो खसेपछि पन्छाउन समय लागेको प्रहरीले जनाएको छ ।

पहिरो हटाउन दिनभर पाँच वटा डोजर प्रयोग गरिएका थिए । अहिले सडकमा मालबाहक सवारी बढी गुड्छन् । त्यसबाहेक अत्यावश्यक सेवाका सवारी साधन बढी प्रयोग हुने गरेका छन् । लकडाउन जारी रहेका कारण सार्वजनिक यातायात भने खुलेको छैन ।