फिचर

बुधबार चार मुलुकबाट करीव १ हजार नेपाली घर फर्किए

File Photo

काठमाडौं । बुधबार विभिन्न चार वटा मुलुकबाट १ हजार भन्दा बढी नेपाली घर फर्किएका छन् । बुधबार थाइल्याण्डको बैंककबाट २४६ जना नेपाली घर आएका छन् । उनीहरुलाई नेपाल एयरलाइन्सको वाइडबडी जहाजले काठमाडौं ल्याएको हो । चार्टर्ड उडानमा दुई जना दुई वर्ष मुनीका बालबालिकासहित २४६ जना यात्रु थिए ।

नेपाल एयरलाइन्सले काठमाडौंबाट भने थाइल्याण्डका लागि १६ जना यात्रु बोकेर गएको थियो । बुधबार नै कुवेतबाट १५० जना नेपाली महिला स्वदेश फर्किए । कुवेतमा आममाफी पाएका उनीहरुलाई कुवेत सरकारले नै नेपाल पठाएको हो । उनीहरुलाई जजिरा एयरलाइन्सले काठमाडौं ल्याएको हो ।

बुधबार नै बंगलादेशको राजधानी ढाकाबाट दुई जना दुई वर्ष मुनीका बालबालिकासहित १५५ जना नेपाल आए । उनीहरुलाई हिमालय एयरलाइन्सले काठमाडौं ल्याएको हो ।

उता, सिङ्गापुरबाट १४६ जना यात्रु नेपाल आएका छन् । उनीहरुलाई समेत हिमालय एयरलाइन्सले काठमाडौं ल्याएको हो । काठमाडौं आइसकेका नेपालीले १४ दिन तोकिएको क्वारेन्टाइनमा बस्नुपर्छ ।