स्वास्थ्य

ब्राजिलमा एकै दिन यति धेरै संक्रमित

ब्राजिलमा मंगलवार एकै दिन ३४ हजार ९ सय १८ संक्रमित देखिएका छन् भने १२ सय ९२ को मृत्‍यु भएको छ । विश्वभर कोरोना संक्रमित देशहरुको सुचीमा दोश्रो नम्बरमा रहेको दक्षिण अमेरिकी देश ब्राजिल पछिल्लो समय लगातार संयुक्त राज्य अमेरिकालाई पछ्याई रहेको छ । एकै दिन भेटिएका संक्रमितहरुको यो संख्या ब्राजिलमा महामारी सुरु भए यताको सबैभन्दा उच्च हो ।

संक्रमितको यति ठुलो संख्या त्यहाँका राष्ट्रपति कार्यालयका प्रमुख वाल्टर ब्रागा नेटो जो हाल कोरोना ब्यबस्थापन प्रमुख समेत छन् । उनले ‘ब्राजिलमा कोरोना संक्रमण नियन्त्रणमा छ’ भनेकै दिन देखिएको हो ।

ब्राजिलमा आज बुधबारसम्म ९ लाख २५ हजार संक्रमित र ४५ हजार ३ सयको मृत्‍यु भएको जोन हप्किन्स युनिभर्सिटीको आँकडाले जनाएको छ ।  

श्रोत : डेली मेल