काठमाडौं । खाद्य व्यवस्था तथा व्यापार कम्पनीको इनडक्सन चुल्हो अब होमडेरीका रुपमा घरमै प्राप्त गर्न सकिने भएको छ । कम्पनीले शनिबारदेखि काठमाडौं उपत्यकामा होम डेलीभरी सेवा थालेको हो । बाल्ट्रा कम्पनीको इन्फ्रारेड इन्डक्सन चुल्हो, जडिबुटी कम्पनीको स्यानिटाइजर, साल्ट ट्रेडिङको आयो नुन, गहुँको पिठो र दुग्ध विकास संस्थानको शुद्ध घिउ पनि होम डेरीभरी गरिने कम्पनीले जानकारी दिएको छ ।

यसअघि कम्पनीले चामल, गेडागुडी लगायतका खाद्यन्नको चक्रपथभित्र मात्रै डेलिभरी सेवा दिएको थियो । अब भने सस्तो डिलसँगको सहकार्यमा सेवा विस्तार गरिएको हो । सस्तो डिलको वेबसाइटमा खाद्य कम्पनीको सामाग्री राखिने भएको छ ।

उपभोक्ताको अर्डर आएपछि गोदाममा भएको सामान सस्तो डिलका कर्मचारीले ग्राहकको घरसम्म पुर्याउने भएका छन् । यसरी डेलिभरी दिँदा अर्डरको रकम भने खाद्य कम्पनीको बैंक खातामा जम्मा हुने गरी व्यवस्थापन मिलाइएको छ ।

लकडाउन अवधिभर सस्तो डिलले डेलिभरीवापत कुनै शुल्क समेत नलिने भएको बताइएको छ । कम्पनीले बाल्ट्रा कम्पनीको इन्डक्सन ४ हजार रुपैयाँमा बेच्दैछ ।