न्युयोर्क

अमेरिकाको दक्षिणी राज्यहरुमा कोरोना संक्रमण अधिकांस जवान युवा युवतीहरुमा देखिन थालेको राज्य तथा स्वास्थ अधिकारीले बताएका छन् । फ्लोरिडा,  साउथ क्यारोलाइना, जर्जिया, टेक्सस लगायतका राज्यहरुमा कोरोना संक्रमण  अधिकांस जवान युवा युवतीमा बढन थालेको हो । युवा युवतीमा संक्रमण बढन थालेका यी राज्यहरुको अर्थतन्त्र अन्य राज्यहरुमा भन्दा छिट्टै खुला गरिएको थियो ।  

फ्लोरिडा गभर्नर रोन डिसान्टिसले कोरोना संक्रमण बिस बर्षदेखि ३० बर्षका युवा युवतीमा आश्चार्यजनक रुपमा देखिन थालेको शनिबार बताएका थिए ।संक्रमण देखिएका यस्ता युवा समुहमा लक्षण पनि नदेखिने र यो समुह स्वास्थको लागि सचेतना पनि नअपनाउने समुहमा पर्दछ भन्दै गभर्नरले यही समुहमा पछिल्ला दिनहरुमा बढी संक्रमितको अनुपात बृद्धि हुन थालेको बताए । फ्लोरिडामा शनिबार ४ हजार ४९ जना संक्रमित देखिएका थिए ।  

साउथ क्यारोलाइनामा पनि स्वास्थ अधिकारीहरुले अधिकांश सक्रमण युवा युवतीमामा देखिन थालेको शुक्रबार बताएका  छँन् । साउथ क्यरोलाइना राज्यका कुल संक्रमित मध्ये १८ प्रतिशतको उमेर २१ बर्षदेखी ३० बर्ष भित्र भएको बताईएको छ ।  त्यहाँ २२ हजार ६ सय ८ संक्रमित मध्ये ४ हजार १ सय ६० जना २१ बर्षदेखि ३० बर्ष उमेरका छन् भने कुल संक्रमित संख्याको ७ प्रतिशत २० बर्ष मुनीका भएको डिपार्ट्मेन्ट् अफ हेल्थ एण्ड ईन्भाईरोमेन्टल कन्ट्रोलले जनाएको छ ।  

जर्जिया राज्यमा पनि पछल्लो दिनहरुमा अस्पताल भर्ना हुनेहरु अधिकांस २० देखि ३० बर्ष उमेर समुहका भएको स्थानीय डब्लु एस बि – टिभीले जनाएको छ । यद्यपी त्यहाँ आईसियुमा उपचारत बिरामीको संख्यामा भने गिरावट आएको छ ।  

टेक्ससमा पनि एक चिकित्सक डा. फिलिप काईसरले स्थानीय केपिआरसिलाई शनिबार भनेका छँन्; “संक्रमण युवा जमातमा सल्किन थालेको छ, जुन समुहको उमेर २० बर्षदेखि ३० बर्षको छ’ । कोरोना युवा बर्गमा सर्न सुरु गरेको स्विकार गर्दै गभर्नर ग्रेग एबोटले पनि राज्यका कतिपय काउन्टीमा संक्रमण अधिकांश युवा जमातमा बढेको  बताएका छँ ।

अमेरिकामा २ देखि ३ महिना पछि अर्थतन्त्र खुल्ला गरिएसंगै २३ वटा राज्यहरुमा  संक्रमितको संख्या बढ्दै गएको जोन हप्किन्स युनिभर्सिटीको आँकडाले नजाएको छ । संक्रमण दरमा ब्यापक बृद्धि भएका राज्यहरु मध्ये पनि टेक्सस फ्लोरिडामा हरेक हप्ता ५० प्रतिशतको दरमा संक्रमित थपिएका छन् । अमेरिकाकै पहिलो ईपिसेन्टर न्युयोर्कमा भने कोरोना संक्रमितको संख्या लगातार घट्दै गएको शुक्रबार गभर्नर कुमोले बताए ।