अमेरिकाको नर्थ क्यारोलाइनास्थित एक ब्लक पार्टीमा गोली चल्दा २ जनाको मृत्‍यु १२ जना घाईते भएका छन् । नर्थ क्यारोलाइना प्रहरीका अनुसार घटना सोमबार बिहान घटेको हो । केही ब्यक्तिहरुले भिडमा दर्जनौं गोली चलाएको सार्लेट मेक्लेनबर्ग पुलिस डिपार्टमेन्टको बिज्ञप्तीमा जनाईएको छ ।  घटनाको बारेमा स्थानीय प्रहरीले सोमबार बिहान साँढे बाह्र बजे फोनबाट जानकारी प्राप्त गर्दा गोली पड्किएको आवाज आईरहेको थियो । प्रहरी घटनास्थलमा पुग्दा एक महिला बेटिन फोर्ड रोडमा गोली लागेर घाईते अवस्थामा लडिरहेकी थिईन । पछि उनको मृत्‍यु भएको थियो, प्रहरीको बिज्ञप्तीमा भनिएको छ । स्थानीय डब्लु बि टिभिका अनुसार गोली चल्दा सडकमा झन्डै ४ सय ब्यक्ती पार्टी मनाईरहेका थिए ।

घाईते १२ जना मध्ये ५ जना भने गोली चलेपछि सडकमा भाग दौड गर्दा गाडीको ठक्करले घाईते भएका थिए भने ७ जना गोली लागेर घाईते भएको प्रहरीले जनाएको छ ।  घटना कसरी र कस्ले घटाएको हो, सो सम्बन्धमा हालसम्म कुनै जानकारी नमिलेको बताइएको छ । सार्लेट मेयर भाई लाईल्सले घटनालाई ‘हिँसाको अर्थहिन कृयाकलाप’ भनेकी छिन् । २९ बर्षीषा केली मिलर र २८ बर्षीय एन्टोनियो ग्लेटनको मृत्‍यु भएको प्रहरीले सोमबार दिउँसो जानकारी दिएको छ ।  

समाचार श्रोत : द सार्लेट अब्जर्भर