सिन्धुपाल्चोक । तातोपानी नाका नजिकै पहिरोले बाटो अवरुद्ध गरेपछि चीनबाट स्वास्थ्य सामग्री लिएर फर्कने तयारीमा रहेका कन्टेर उतै रोकिएका छन् । सडक ठूलो पहिरो खसेर अवरुद्ध भएपछि चीन गएका ट्रक नाकामै अलपत्र परेका हुन् ।

ढुङ्गासहितको पहिरोले बाटो अवरुद्ध पारेपछि तातोपानी नाकामा सामान लिन चीन हिँडेका कन्टेनर बाटोमै अलपत्र परेको रेर थन्किएका इलाका प्रहरी कार्यालय कोदारीले जानकारी दिएको छ । तातोपानीको लिपी बजारदेखि २०० मिटर नजिकै भीरमा पहिरो गएको छ ।

यहाँ १४ कन्टेनर बाटोमै रोकिएको बताइएको छ । चीनबाट फर्किएका कन्टेनरले कोरोनासँग लड्ने स्वास्थ्य सामग्री बोकेका छन् । नाकामा भने करिब ५० ट्रक र कन्टेनर रोकिएको प्रहरीले जनाएको छ ।

यो स्थान पटक पटक पहिरो गइरहने भएकाले यस सडक खण्ड पटक पटक अवरुद्ध हुने गरेको छ । २६ माघबाट बन्द भएको तातोपानी नाका २६ चैतबाट खुलेको हो । अहिले चीनसँग यही नाका मात्र संचालनमा छ । रसुवागढी नाका भने बन्द रहेको छ ।