02-Jul-2020 | १८ असार २०७७, बिहीबार

कोरोनाको औषधी बनाएको बाबा रामदेवको दावी, प्रयोग र प्रचार-प्रसारमा सरकारको रोक

९ असार २०७७, मंगलवार ०   बिचार / प्रतिक्रिया


नयाँ दिल्ली । भारतका चर्चित योग गुरु रामदेवले कोरोना भाइरससँग लड्ने आयुर्वेदिक औषधि पत्ता लगाएको दावि गरेका छन् । उनले मंगलबार औषधी सार्वजनिक गर्दै यसको प्रयोग भइसकेको र मानिसहरु निको भएको समेत दावि गरेका थिए । यता, भारत सरकारले भने बाबाको उक्त दाविसँगै पतञ्‍जली ग्रुपलाई औषधीको प्रयोग र प्रचार प्रसार रोक्न निर्देशन दिएको छ ।

भारतीय संचारमाध्यमहरुका अनुसार भारत सरकारले यो औषधी कोरोना विरुद्ध आधिकारिक रुपमा परीक्षण नभएको भन्दै प्रचार प्रसार र प्रयोग रोक्न निर्देशन दिएको हो । भारतीय स्वास्थ्य मन्त्रालयले औषधिको आधिकारिक परीक्षण नभएसम्म प्रचार प्रसार नगर्न निर्देशन दिएको हो ।

उता, उत्तराखण्ड सरकारको लाइसेन्सिङ्‍ग अथोरिटीबाट यस उत्पादनको अनुमतिपत्रको प्रतिलिपि माग भएको छ । मंगलवार बिहान पतञ्‍जलि आयुर्वेदका प्रमुख रामदेवले कोरोना भाइरसबाट बच्‍न कोरोनिल नामक आयुर्वेदिक औषधि तयार भएको बताएका थिए ।

उनले यस औषधीबाट बिरामी ठीक भएको समेत दावि गरेका छन् । यता, मन्त्रालयले भने कोरोना भाइरस विरुद्ध औषधी निर्माणका बेला अपनाइएको विधि, अध्ययनको सम्पूर्ण विवरण समेत मागेको छ ।

पतञ्‍जलिको कोरोना ट्याब्लेट बारे वैज्ञानिक परीक्षण नभएसम्म आधिकारिक पुष्टी नहुने स्पष्ट पारेको छ । कोरोना महामारीको औषधि बनाउन कम्पनीले मन्त्रालयबाट अनुमति अनिवार्य भएको र अनुमति पछि मात्र औषधी बनाउन सक्ने मन्त्रालयले जानकारी गराएको छ । रामदेवको औषधीले ७ दिनमा कोरोना संक्रमित ठिक भएको दावि गरिएको छ ।

Loading...

फेसबुकबाट तपाईको प्रतिक्रिया

सम्बन्धित समाचार