विश्व

पाकिस्तान क्रिकेट बोर्डका १० खेलाडीमा कोरोना पुष्टी

इस्लामावाद । पाकिस्तान राष्ट्रिय क्रिकेट टोलीका १० जना खेलाडीमा कोरोना संक्रमण पुष्टी भएको छ । पाकिस्तानी क्रिकेट बोर्डले मंगलबार सात खेलाडीमा कोरोना संक्रमण पुष्टि भएको उल्लेख गरेको छ । तीन खेलाडीमा यसअघि नै कोरोना पुष्टी भएको थियो ।

मंगलबार फखर जमा, इमरान खान, काशिफ भट्टी, मोहम्मद हफिज, मोहम्मद हसनैन, मोहम्मद रिजवान र वहाब रियाजमा कोरोना भाइरसको संक्रमण पुष्टि भएको थियो । यसअघि शादाब खान, हारिस रउफ र हैदर अलीमा कोरोना संक्रमण भएको बोर्डले पुष्टी गरेको थियो ।

बेलायत भ्रमण अघि पाकिस्तानले खेलाडीको कोरोना टेस्ट गरेको हो । सो क्रममा नेगेटिभ देखिएका खेलाडी मात्र बेलायत भ्रमणमा जाँदैछन् । पाकिस्तान र इंग्ल्याण्डबीच निर्धारित तीन टेस्ट र टी–२० म्याच सिरिज संचालनको तयारी गरिएको छ । पाकिस्तानमा भने कोरोना उच्च विन्दुमा चलिरहेको छ ।

अहिलेसम्म एक लाख ८५ हजारभन्दा बढि मानिस संक्रमित भएका छन् । चार हजार मानिसले ज्यान गुमाइसकेका छन् ।