13-Nov-2019 | २७ कार्तिक २०७६, बुधबार

३० बर्षभित्र न्यूयोर्क राज्यबाट खनिज र पेट्रोलियममा आधारित उर्जा अन्त्य हुने

५ असार २०७६, बिहीबार ०   बिचार / प्रतिक्रिया


न्यूयोर्क
न्यूयोर्क राज्यले विश्वकै सर्वाधिक महत्वाकांक्षीमध्येको जलवायु नीतिलाई पारित गरेको छ । जस अनुसार सन् २०५० भित्रमा राज्यमा उपयोग हुने सबै विद्युतको स्रोत कार्वन विहिन हुनेछन् ।

कार्वन उत्सर्जनलाई न्यूनतम बिन्दुमा झार्ने गरि नीति तय गर्न न्यूयोर्क विधायीका तयार भएको हो । जस अनुसार धेरै ग्यास खपत गर्ने कार, तेलबाट बल्ने हिटर लगायत पेट्रोलियम पदार्थमा आधारित उपकरण चलाउन रोक लगाइनेछ । त्यती मात्र होइन राज्यमा उपयोग हुने शतप्रतिशत बिजुली समेत कार्वनमुक्त स्रोतबाट मात्र प्राप्त गर्ने उल्लेख गरिएको छ ।

राज्यको संसद र गभर्नर एन्ड्रयु कम्बोबीच यही साता भएको सहमति अनुसार क्लाइमेट लिडरसिप एण्ड कम्युनिटी प्रोटेक्सन कानुन ल्याइनेछ । जसको मूल उध्येश्य बढ्दो तापक्रमका कारण हुने प्रदुषणलाई ८५ प्रतिशतले न्यून गर्दै सन् २०५० सम्म सन् १९९० को तहमा ल्याउने रहेको छ ।

प्रदुषण न्यूनिकरणसँगै बायुमण्डलमा कार्वनडाइअक्साइडको मात्रा कम हुने र त्यसले बाँकी १५ प्रतिशत शुद्धिकरणमा पनि सघाउ पुर्याउने सहमतिमा उल्लेख छ ।

यदी साँच्चिकै राज्यले यो नीति अवलम्बन गरे कथित ‘नेट–जेरो इकोनोमी’ प्रभावकारी कार्यान्वयनमा जानेछ । यो नीति कार्यान्वयन हुँदा जलवायु परिवर्तनका लागि चिन्तित सरोकारवाला र वातावरणविदको चिन्तालाई सम्बोधन गर्नेछ ।

डेमोक्र्याटले नेतृत्व गरेका धेरै राज्यले वातावरण संरक्षण र हरितगृह प्रभाव कम गर्ने कानुन पारित गर्न थालेका छन् । न्यूयोर्क त्यही सूचीमा थपिन लागेको हो । राष्ट्रपति डोनाल्ड ट्रम्प प्रशासनको वातावरणप्रति बढ्दो बेवास्तालाई टक्कर दिन डेमोक्रेटिक राज्यहरुले जोड दिएका हुन् ।

फेसबुकबाट तपाईको प्रतिक्रिया

सम्बन्धित समाचार