स्वास्थ्य

दैलेखमा मृत भेटिएका युवकमा कोरोना पुष्टी

काठमाडौं । दैलेखका मृत अवस्थामा भेटिएका एक युवकमा कोरोना संक्रमण पुष्टि भएको छ। भारतबाट १ महिनाअघि आएका २१ वर्षीय युवक झुण्डिएको अवस्थामा मृत भेटिएका थिए । बुधबार बिहान उनको शव दुल्लु अस्पताल दैलेख ल्याएर पोस्टमार्टम तथा स्वाब संकलन गरिएको थियो । उनको स्वाव कोरोना परीक्षण गर्न सुर्खेत पठाइएको थियो।
बिहीबार उनको कोरोना रिपोर्ट पोजेटिभ आएको हो । भारतबाट आएका दैलेख दुल्लु नगरपालिका १० का युवक १४ दिन दुल्लु नगरपालिकाको क्वारेन्टिनमा बसेका थिए ।

क्वारेन्टिनमा उनको आरडिटी परीक्षण गरिएको थियो । उक्त परीक्षणमा रिपोर्ट नेगेटिभ आएपछि उनलाई घर पठाइएको थियो । स्थानीय प्रशासनका अनुसार उनले आत्महत्या गर्नुको कारण भने खुलिसकेको छैन । सेनाले उनको शव व्यवस्थापन गर्नेछ । मृत्युपछि कोरोना पुष्टी भएको भएपनि उनको मृत्युको कारण भने कोरोना मानिने छैन ।