न्युयोर्क

राष्ट्रपति डोनाल्ड ट्रम्पले आईतबार बिहान रिट्विट गरेको एक बिबादित भिडियो आफ्नो टाईम लाईनबाट हटाएका छन् । ट्रम्पले आईतबार बिहानै ट्रम्प पक्षधर र उनको आलोचक बीचको भनाभनको भिडियोमा ट्रम्प पक्षधरले ‘ह्वाईट पावर ह्वाईट पावर’ भन्दै जातियताबादी शब्द प्रयोग गरेर चिच्याएको भिडियो ट्विटरमा रिट्विट गरेका हुन् भने भिडियोलाई फेसबुकमा सेयर गरेका थिए ।  

राष्ट्रपति ट्रम्पले भिडियोमा प्रदर्शन गर्दै गरेको देखिएका फ्लोरिडा रिटायरमेन्ट कम्युनिटीका  उनका समर्थकलाई ‘धन्यवाद गाउँका महान ब्यक्तिहरु’ भन्दै बिबादित भिडियोलाई सेयर गरेका थिए । उक्त भिडियो रिट्विट गरेको एक घण्टा पछि उनको एकाउन्टबाट हटेको हो  । भिडियो हटाएको बारे उक्त भिडियोको एउटा बाक्यांश राष्ट्रपतिले नसुनेको प्रतिकृया दिएको ह्वाईट हाऊस प्रबक्ता जड डेरको हवाला दिदै लसएन्जलस टाईम्सले जनाएको छ । 

गत मार्चमा प्रहरी नियन्त्रणमा जर्ज फ्लोएडको मृत्‍यु प्रकरणपछि अमेरिकामा देशभर रंगभेद बिरुद्धको आन्दोलन चर्किदै गएको अवस्थामा राष्ट्रपति ट्रम्पले यो बिबादस्पद भिडियो ट्विट गरेर हटाएका हुन् । त्यस अगाडि साउथ क्यारोलाइनाबाट अमेरिकी सिनेटमा एक मात्र अफ्रिकन अमेरिकन रिपब्लिकन सिनेटर टिम स्कटले सिएनएनसँगको ‘स्टेट अफ युनियन’ कार्यक्रममा भनेका थिए; “त्यो बिषयमा कुनै प्रश्न उठ्ने कुरै छैन । त्यो भिडियो रिट्विट गर्न हुने थिएन । राष्ट्रपति ट्रम्पले तुरुन्तै त्यो भिडियो हटाउनु पर्छ” ।