रोचक खवर

इरानद्धारा अमेरिकी राष्ट्रपतिविरुद्ध पक्राउ पूर्जी जारी

गुगल फाईल फोटो

काठमाडौं । इरानले अमेरिकी राष्ट्रपति डोनाल्ड ट्रम्पविरुद्ध पक्राउ पुर्जी जारी गरेको खबर सार्वजनिक भएको छ । इराकको राजधानी बग्दादमा ६ महिना अगाडी ड्रोन आक्रमणमा परी आफ्ना सैन्य कमान्डर मारिएको घटनामा संलग्न रहेको आरोपमा राष्ट्रपति ट्रम्पसहित तीन दर्जनविरुद्ध इरानले पक्राउ पूर्जी जारी रहेको हो ।

उनको हत्या ट्रम्पको योजनामा भएको आरोप इरानको छ । त्यसो त अमेरिकी सैनिकले ड्रोन प्रहार गरी इरानी सैन्य कमान्डर कासिम सुलेमानीको हत्या गरेको थियो । यस अभियोगमा पक्राउ पूर्जी जारी भएका अन्यको भने नाम सार्वजनिक भएको छैन ।

अन्तराष्ट्रिय सञ्चारमाध्यमका अनुसार इरानको राजधानी तेहरानका अली अलकासिमेहरले कुदृस फोर्सका प्रमुख कासिमको हत्यामा सोमबार ट्रम्पसहित झण्डै ३० जना संलग्न रहेको आरोपसहित पक्राउ पुर्जी जारी गरिएको जानकारी गराएका छन् ।

ट्रम्प पदमा रहे पनि नरहे पनि उनीविरुद्ध मुद्दा चल्ने मिडिया रिर्पोटमा उल्लेख गरिएको छ । जनवरीमा भएको यो घटनापछि इरानले आफ्ना सर्वोच्च सैन्य कमाण्डर गुमाएको थियो । एजेन्सी