काठमाडौं । कडा लकडाउनका अवधिमा निकै सस्तो भएको पेट्रोलियम पदार्थ अब भने महंगिएको छ । नेपाल आयल निगमले पेट्रोलियम पदार्थको मूल्य वृद्धि गरेको हो । निगमले मंगलबार रातीबाट लागु हुने गरी पेट्रोल, डिजेल र मट्टीतेलमा मूल्य बढाएको छ ।

पेट्रोलमा प्रतिलिटर ५ रुपैयाँ र डिजेल तथा मट्टीतेलमा प्रतिलिटर २ रुपैयाँ मूल्य बढेको छ । अब काठमाडौंमा पेट्रोलको मूल्य लिटरको १०१ रुपैयाँ र डिजेलको ८७ रुपैयाँ पुगेको हो ।

भारतीय आयल कर्पोरेसनले पेट्रोलमा प्रतिलिटर ४.७७ रुपैयाँ, डिजेलमा प्रतिलिटर ५.८० रुपैयाँ, हवाई इन्धनमा प्रतिलिटर ६.०६ रुपैयाँ मूल्य बढाएर सूची पठाएपछि मूलय बढाइएको निगमले उल्लेख गरेको छ । एलपी ग्यास र हवाई इन्धनको मूल्यमा भने परिवर्तन गरिएको छैन ।