काठमाडौं । नेकपा भित्रको अन्तरसंघर्षका कारण संकटमा परेको सरकारका एक मन्त्री योगेश भट्टराईले पुनः एक पटक आस्थामा भरोसा गर्दै आजको दिन राम्रो हुने कामना गरेका छन् । सामाजिक संजालमा स्टाटस राख्दै योगेशले भनेका छन्, ‘सबै दिन राम्रै हुन्छन्, राम्रै मानिन्छन्, बुधबारलाई अलि बढी राम्रो मान्ने नेपाली चलन छ । आज बुधबार आशा छ, परिस्थिति सहि दिशामा मोडिनेछ, धन्यवाद ।’

उनको यो स्टाटसलाई धेरैले रहस्यमय मानेका छन् । बुधबार नै प्रधानमन्त्रीले मन्त्रीहरुसँग परामर्श थालिसकेका छन् । उता, नेकपा बैठकमा प्रधानमन्त्री केपी शर्मा ओलीलाई राजिनाामा दिन सबैजसो शीर्ष नेताले आग्रह गरिसकेका छन् । पार्टीले नै राजिनामा मागेको सन्दर्भमा अझ उनी कमजोर हुने निश्चित छ ।