जुलाई ३, न्युयोर्क

एनआरएनए एनसीसी अमेरिकाको नवौं साधारण सभा तथा नेशनल नलेज कन्भेन्सन आजदेखि शुरु हुँदैछ । जुलाई ३ तारिख साँझ ६ (EST) बजे नेपाल सरकारको परराष्ट्र मन्त्री प्रदीप ज्ञवालीले नेपालबाट नै यो कार्यक्रमको उदघाटन गर्नु हुने जानकारी कन्भेन्सनका कन्भेनर तथा बरिष्ठ उपाध्यक्ष डाक्टर अर्जुन बन्जाडेले दिनु भएको छ।

साधारण सभा र नलेज कन्भेन्सनको मुख्य दिन जुलाई ४ तारिख हो । सो दिन बिभिन्न क्षेत्रका विज्ञहरुले आ-आफ्ना कार्यपत्र र विचार सम्प्रेषण गर्ने गरी कार्यक्रम तय भएको नलेज कन्भेन्सनका संयोजक डाक्टर तारा सिग्देलले जानकारी दिनु भएको छ।

कोरोनाभाइरस महामारीको कारण साधारण सभा भर्चुअल हुने भएको छ । साधारण सभाका सम्पूर्ण कार्यक्रमहरु जुम (भिडियो भेला एप) बाट गरिने भएकोले घरमा बसेर नै हेर्न सकिने छ ।