बझाङ । बझाङमा गएको भिषण पहिरोमा पुरिएका मध्ये दुई जनाको शव भेटिएको छ । बझाङको केदारस्युँ गाउँपालिका–८ मल्लेसीमा शनिबार राती गएको पहिरोमा १७ वटा घर बगेको स्थानीय बताएका थिए । त्यसमा पुरिएका मध्ये दुई जनाको शव भेटिएको छ । अझै केही व्यक्ति अझै सम्पर्कविहीन रहेको स्थानीयको भनाई छ । मृतकको पहिचान हुन बाँकि रहेको छ ।

प्रहरी घटनास्थलतर्फ लागेका कारण क्षतिको यकिन विवरण प्रहरी पुगेपछि मात्र प्राप्त हुने स्थानीय प्रशासनले जनाएको छ । घटनास्थलमा जिल्ला सदरमुकामबाट नेपाल प्रहरी र सशस्त्र प्रहरीको टोली लागेको छ । कालंगा जलविद्युत आयोजनामा खटिएको नेपाली सेनाको एक टोली समेत घटनास्थलतर्फ लागेको छ । तर, बाटोमा पहिरो गएको र सवारी साधन नपुग्दा जोखिम मोलेरै सुरक्षाकर्मी जान परेको प्रशासनको भनाई छ ।