06-Aug-2020 | २२ श्रावण २०७७, बिहीबार

नेपालमा कोरोनालाई जित्ने बिरामीको संख्या ६५४७

२१ असार २०७७, आईतवार ०   बिचार / प्रतिक्रिया


काठमाडौं । नेपालमा कोरोना भाइरसलाई पराजित गर्ने बिरामीको संख्या उल्लेख्य बढेको छ । आइतबारसम्म ६ हजार पाँच सय ४७ जना संक्रमितले कोरोनालाई जितेर घर जान सफल भएको स्वास्थ्य तथा जनसंख्या मन्त्रालयले उल्लेख गरेको छ । मन्त्रालयका अनुसार आइतबारमात्र नेपालमा दुई सय ९३ जनामा कोरोना भाइरस पोजेटिभ देखिएको छ ।

अहिले देशभर कोरोना सङ्क्रमितको सङ्ख्या १५ हजार सात सय ८४ पुगेको छ । स्वास्थ्य तथा जनसङ्ख्या मन्त्रालयको तथ्यांक अनुसार प्रदेश नम्बर १ मा अहिलेसम्म ६ सय ९४ जना सङ्क्रमित भेटिएका छन् । चार सय ६९ जना डिस्चार्ज भएका छन् । प्रदेश नम्बर २ मा चार हजार एक सय ६० जनामा सङ्क्रमण देखिएको छ । दुई हजार ३४ जना डिस्चार्ज भएका छन् ।

वाग्मती प्रदेशमा पाँच सय ६३ जनामा सङ्क्रमण देखिएको छ । दुई सय ३४ जना डिस्चार्ज भएका छन् । गण्डकी प्रदेशमा एक हजार एक सय ४२ जनामा सङ्क्रमण देखिएको छ । दुई सय १४ जना डिस्चार्ज भएका छन् । प्रदेश नम्बर ५ मा तीन हजार नौ सय ६८ सङ्क्रमित देखिएका छन् । एक हजार सात सय २५ जना डिस्चार्ज भएका छन् ।

कर्णाली प्रदेशमा एक हजार पाँच सय ७९ र सुदूरपश्चिम प्रदेशमा तीन हजार ६ सय ७८ जनामा सङ्क्रमण देखिएको छ । यी प्रदेशमा क्रमशः एक हजार एक सय ९१ र ६ सय ८० जना डिस्चार्ज भएको तथ्यांक छ । देशका २५ वटा प्रयोगशालाबाट कोरोना परीक्षण सुरु भएको छ ।

आइतबार चार हजार सात सय १० जनाको कोरोना परीक्षण भएको मन्त्रालयको तथ्यांक छ । अहिले संक्रमितको दरमा केही कमी आएको छ । आइतबारसम्म दुई लाख ५१ हजार सात जनाको परीक्षण गरिएको तथ्यांक रहेको छ ।

देशभर क्वारेन्टिनमा ३१ हजार पाँच सय ७३ जना रहेका छन् । ६ हजार पाँच सय ४७ जना सङ्क्रमित निको भएर डिस्चार्ज भएका छन् । नौ हजार दुई सय तीन जनाको आइसोलेशनमा उपचार भइरहेको मन्त्रालयले जनाएको छ । नेपालमा ३४ जनाको ज्यान गएको छ ।

Loading...

फेसबुकबाट तपाईको प्रतिक्रिया

सम्बन्धित समाचार