फिचर

अनलाइन कक्षामात्र लिने विदेशी विद्यार्थीले अमेरिकी भिषा फिर्ता

काठमाडौं । पूर्णरुपमा अनलाइन क्लास लिने र भौतिक रुपमा उपस्थित हुनु नपर्ने गरी अमेरिकी विश्वविद्यालयहरुमा आवद्ध विद्यार्थीले अब अमेरिकी भिषा नपाउने भएका छन् । अनलाईनमार्फत अध्ययन गर्दै आएका विदेशी विद्यार्थीलाई अमेरिका बस्न नपाउने गरी नीति आएको छ । अमेरिकाको इमिग्रेसन एण्ड कस्टम एजेन्सीले यो नीति सार्वजनिक गरेको हो ।

एजेन्सीका अनुसार त्यस्ता विद्यार्थीहरुको भिसा फिर्ता लिइने छ । अटेर गरे अमेरिकाबाट स्वदेशसम्म फर्काउन सकिने चेतावनी एजेन्सीको रहेको छ । अमेरिकाको यो नयाँ आप्रवासन नीतिबाट धेरै विदेशी समस्यामा पर्ने चिन्ता समेत बढेको छ । यसको यकिन तथ्यांक भने छैन ।

पछिल्लो समय सबैजसो विश्वविद्यालयको अनलाइनमा आधारित क्लासहरु संचालनमा छन् । अमेरिकी विश्वविद्यालयमा एक प्रमुख आयस्रोत विदेशी विद्यार्थी समेत हुन् । कोरोना भाइरसका कारण सबैजसो विश्वविद्यालय अनलाइन माध्यममा गएका छन् ।

एजेन्सी