न्युयोर्क

युवा पुस्ताको आवाज समेटिएको गीत ‘ल्याँङ भो’ सार्वजनिक भएको छ । व्यापक भ्रष्टाचार, सत्ता तानातानदेखि निराशा र सर्वसाधारण नेपालीहरुको आक्रोश यो गीतमा सुन्न सकिन्छ ।  

 रक भर्सनको यस गीतमा गीतकार तथा कवि बिष्णु जोशीको शब्द रहेको छ भने विशाल पौडेलले स्वर एवम् सङ्गीत दिएको छ । हाल लिरिकल भर्सनमा उपलब्ध गीतको भिडियो नविन निरौलाले बनाएका हुन् । छिट्टै अफ़िसिएल भिडियो सार्वजनिक गर्ने तयारी भैरहेको जानकारी गीतकार जोशीले दिएका छन् । लिरिकल भिडियो जोशीकै च्यानल मदर नेपाल मार्फत सार्वजनिक गरिएको छ ।

अमेरिकामा विज्ञान विषय अन्तर्गत विद्यावारिधी गर्दै गरेका जोशी ‘नेपाल फर्कौं’ अभियानका अभियन्ता समेत हुन् । उनी भन्छन्; “यो गीतमा आक्रोश छ तर, विरोध मात्रै गरेर समाधान हुँदैन त्यसैले अन्त्यमा यो गीतले सबै युवालाई जागरूक भएर स्वदेश मै धैर्यताका साथ उद्यम गरी यसै पुस्तामा देश बनाउन आव्हान गरिएको छ” ।