न्युयोर्क

राष्ट्रपति डोनाल्ड ट्रम्पले शनिबार वाल्टर रिड नेशनल मेलिटरी मेडिकल सेन्टर भ्रमणका क्रममा मुखमा मास्क लगाएका छन् ।  अमेरिकामा कोरोना संक्रमणको महामारी सुरु भएपछि राष्ट्रपति ट्रम्पले सार्वजनिक रुपमा मुखमा मास्क लगाएर हिंडेको पहिलो पटक हो । सार्वजनिक स्थलमा मास्क लगाउने कुरामा असन्तुष्टी ब्यक्त गर्दै आएका ट्रम्प शनिबार भने मेरिल्यान्डको वाल्टर रिड नेशनल मेलिटरी अस्पतालको हलमा हिंडिरहँदा कालो रङको मास्क लगाएको भिडियो तथा तस्बिर सार्वजनिक भएको छ ।

यस अघि गत मेई महिनामा मिचिगन राज्यस्थित फोर्ड गाडी कम्पनी भ्रमणको क्रममा कारखानाको पछाडिको भागमा जाँदा मास्क लगाएको तस्बिर सार्वजनिक भए पनि सार्वजनिक स्थानमा भने लगाएका थिएनन् ।आफ्नै राजनीतिक दलका कतिपय नेताले राष्ट्रपति ट्रम्पले मास्क लगाएर हिंड्नु पर्ने प्रतिकृया दिदै आए पनि उनले लगाउन मानेका थिएनन् ।उनले आफ्ना राजनैतिक प्रतिस्पर्धी जो बाईडेनले मास्क लगाएको बिषयमा समेत खिसी गर्दै आएका थिए ।आफुले मुखमा मास्क लगाउँदा पत्रकार र संचार माध्यम खुसी हुने भन्दै  मास्क लगाएर उनिहरुलाई खुसी नपार्ने प्रतिकृया दिदै आएका ट्रम्पले शनिबार भने गाढा कालो रंगको मास्क लागाएर हिंडेका छन् ।