खेलकुद

मेसीले कीर्तिमान राखेको खेलमा बार्सिलोना विजयी

काठमाडौं । स्पेनिस ला लिगा फुटबलमा बार्सिलोनाले अर्को जीत दर्ता गरेको छ । यसले उसको उपाधि दाबेदारी कायमै रहेको छ । गएरात रियल भालाडोलिडलाई १ – ० गोल अन्तरले हराउदै बार्सिलोनाले रियल म्याड्रिड विरुद्ध अंक दूरी छोट्याएको छ । अब दुई प्रतिस्पर्धी क्लवबीच एक अंकको मात्र फरक छ ।

बार्सिलोनाले साँघुरो जित दिलाउने क्रममा अर्टुरो भिडालले निर्णायक गोल गरे । खेलको १५ औं मिनेटमा भिडालले गोल गरेका हुन् । त्यसपछि खेलमा कुनै पनि गोल हुन सकेन । उनको गोलका लागि लियोनल मेस्सीले पास दिएका थिए ।

भिडालको गोलमा अस्सिट गरेसँगै मेस्सी एकै सिजन २० गोल र गोलका लागि २० अस्सिट गर्ने पहिलो खेलाडी बनेका छन् । जितपछि बार्सिलोनाले ३६ खेलमा ७९ अंक जोडेको छ । एक खेल कम खेलेको रियलको ८० अंक छ ।
एजेन्सी