बुटवल । पटक पटक पहिरोका कारण अवरुद्ध हुने सिद्धार्थ राजमार्गमा फेरी पहिरो खसेको छ । जसले गर्दा सिद्धार्थ राजमार्गको बुटवल–पाल्पा सडकखण्ड अवरुद्ध हुन पुगेको छ । पाल्पाको तिनाउ गाउँपालिका–३ दोभान प्रहरी चौकी नजिकै पहिरो खसेको छ । रातीको समयमा सवारी साधन भएको बेला खसेका कारण मानवीय क्षति भने हुन पाएन ।

पहिरोसँगै ठूला–ठूला ढुंगा सडकमा खसेको छ । सोमबार रातीबाट साधन आवतजावत पूर्णरुपमा बन्द गरिएको प्रदेश ५ ट्राफिक प्रहरी कार्यालय बुटवलले जानकारी दिएको छ । वर्षा निरन्तार भइरहेका कारण पहिरो पन्छाउन सकिएको छैन । सडक अबरुद्ध भएपछि सयौं सवारी साधन बीच बाटोमै रोकिएका छन् । सिद्धार्थ राजमार्ग पहिरोबाट बढी प्रभावित सडक हो ।