काठमाडौं । तुलनात्मक रुपमा कमजोर मानिएको कतार विरुद्ध जीत निकाल्दै अर्जेन्टिना कोपा अमेरिका फूटबल प्रतियोगिताको क्वार्टरफाइनल प्रवेश गरेको छ ।

सोमबार बिहान सम्पन्न खेलमा अर्जेन्टिनाले कतारलाई २-० गोल अन्तरले परािजत गर्यो । पहिलो खेलमा कोलम्बियाँसँग हारेको अर्जेन्टिना दोस्रो खेलमा पाराग्वेसँग बराबरीमा रोकिएको थियो ।

त्यसकारण कतारसँगको खेल अघिल्लो चरण पुग्न उसकालाई लागि फाइनल सरह थियो ।

समूह बीबाट उपविजेताका रुपमा अर्जेन्टिना दोस्रो चरण प्रवेश गरेको हो । शतप्रतिशत नतिजा निकाल्दै कोलम्बिया पनि अन्तिम ८ मा प्रवेश गरेको छ । अर्जेन्टिनाका लागि लौटारो मार्टिनेज र सर्जियो अगुएरोले गोल गरे ।

अर्जेन्टिनाले खेलको चौथौं मिनेटमा नैअग्रता लियो । अर्जेन्टिनाका लागि मार्टिनेजले गोल गरेका थिए । पहिलो हाफ १-० गोल अन्तरमै सकियो । खेलको ८२औं मिनेटमा सर्जियोले गोल गर्दै अर्जेन्टिनालाई २-० गोलको जित दिलाएको हो ।

आज बिहान नै भएको अर्को खेलमा कोलम्बियाले पाराग्वेलाई १-० गोलअन्तरले पराजित गर्दै समूह विजेता बन्दै क्वाटरफाइनलमा पुगेको छ । कोलम्बियाले सबै खेलमा शतप्रतिशत जित हात पारेको हो । यसपटकको कोपा अमेरिका ब्राजिलमा चलिरहेको छ ।