समाचार

बिदेशमा बस्ने ताप्लेजुङ्का लिम्बुले गरे आफ्नो गाउँको लागि यस्तो सराहनीय कार्य

न्युयोर्क

विश्व-महामारीको रुपमा फैलिएको कोरोना भाईरसका कारण संसार आक्रान्त छ ।जसका कारण विश्वका विकासोन्मुख राष्ट्र मात्र होईन, शक्तिशाली मुलुकहरु समेत महामारीका कारण आर्थिक संकटको दल दलमा फस्दै छन् ।नेपाल पनि सिमित श्रोत र साधन बीच कोरोना महामारीसँग जुधिरहेकै छ ।एकातर्फ कोरोना महामारी अर्कोतर्फ भौगोलिक बिकटताका कारण नेपालमा बर्षायाम सुरु भएसंगै बाढी पहिरोको चपेटामा फसेको छ ।सयौंले ज्यान गुमाएका छन् भने हजारौं घरबार बिहिन हुन पुगेका छन् ।यस विषम अवस्थामा ताप्लेजुङ् जिल्लाका केही प्रबासी नेपाली मिलेर मातृभुमीमा ८लाख रुपैया बराबरको खाद्य सामग्री सहयोग गरेका छन् ।

ताप्लेजुङ जिल्लाबाट बेलायत र अमेरिकामा बसोबास गर्नेहरुको सहयोगमा प्राप्त ८ लाख रुपैयाको खाध्य सामग्री श्रावण २ गते जिल्लाका फक्ताङलुङ गाउँपालिका वार्ड नं. ४ साबिक ईखाबु गा. बि. स. वार्ड नं. १ खानी, २ सेतोबा, ३ साप्चुङ्वा, ४ खुपातल, ५ सेगुङवा, ६ युखाबो र फक्ताङलुङ गाउँपालिका वार्ड नं. ३ साबिक लिङखिम गाबिस वार्ड नं. १ थिवामा बितरण गरिएको किरात यक्थुङ चुम्लुङ अमेरिकाका अध्यक्ष बिरेन्द्र हाङ लाबुङले बताए ।सहयोग कुल २७९ घर परिवारलाई ३० केजीको जुनेली चामल १ बोरा, दाल केजि १ र खाने तेल लिटर १ राहत स्वरुप एक कार्यक्रमको आयोजना गर्दै बितरण गरिएको समेत बिरेन्द्रले बताए ।

राहत फक्ताङलुङ गाउँपालिका वार्ड न. ४ साबिक ईखाबु – ५ बाट हाल लण्डन युकेमा बसोबास गर्ने चीरेन्द्र लाबुङ लिम्बु , न्युयोर्क अमेरीका बसोबास गर्ने क्रमश शिव कुमार लाबुङ, वीरेन्द्र हाङ लाबुङ, सम्झना लाबुङ लगायतका परिवारहरुले आफ्नो दिवङ्गत पिता तथा बाजेहरुको संझनामा बितरण गरिएको पुर्ब गाबिस अध्यक्ष मणि प्रसाद लाबुङले राहत बितरणस्थल छिरुवानीबाट जानकारी दिएका छन् ।


प्रवासमा रहेर पनि यसरी आफ्नो गाउँठाउँमा अप्ठेरो परेको समयमा ठुलो दिलले थोरै भए पनि राहत सहयोगको महान मानवीय कार्य गरेको भन्दै स्थानीय जनप्रतिनीधिहरुले खुलेर प्रसँसा गरेका थिए । महामारी र लकडाउनले प्रभावित सयौं गाउँले दाजुभाइ दिदीबहिनीलाई थोरै भएपनि सहयोग गर्न पाएकोमा आफुलाई खुसी अनुभूति भएको युके निवासी चीरेन्द्र लाबुङले फेसबुक मार्फत जानकारी गराएका छन् भने अमेरिका निवासी शिव लाबुङले उक्त कार्य सफल बनाउन महत्वपूर्ण भुमिका निर्वाह गर्ने फक्ताङलुङ गाउँपालिका, फक्ताङलुङ ४ का वडासमिति, सहयोगी समाजसेवी, जनप्रतिनिधि, भोल्युन्टियर्स सबैलाई धन्यवाद ज्ञापन गरेका छन् । राहतस्थलमा सामाजिक दुरी कायम गर्न गराउन मार्किङ गरेर ब्यबस्थित गरएको, आफ्ना दिवङ्गत बाबु र बाजे बज्यैको नाममा यसरी राहत बाँड्न पाँउदा आफुलाई आत्मा सन्तुष्टि मिलेको वीरेन्द्र लाबुङले बताए ।