फिचर

फैसलामाथि भएको आलोचनाप्रति सर्वोच्च असन्तुष्ट

काठमाडौं । आफ्नो फैसलामाथि भएको सार्वजनिक टिकाटिप्पणी प्रति ध्यानाकर्षण भएको भन्दै सर्वोच्च अदालतले असन्तुष्टी व्यक्त गरेको छ । खासगरी रन्जन कोइरालामाथिको फैसलामा चित्त नबुझाई आम मानिसले सर्वोच्चको फैसलामाथि चर्को आलोचना गरिरहेका छन् । पछिल्लो समय भएका विवादित फैसलामाथि प्रश्न उठाएकोमा सर्वोच्च अदालतले भने असन्तुष्टि रहेको देखिएको छ ।

न्यायसम्पादनका क्रममा हुनसक्ने त्रुटि विधि र प्रक्रियाअनुसार अदालतबाटै निरुपण हुने भन्दै सर्वोच्चले त्यस्ता विषयमा टीका टिप्पणी नगर्न आग्रह गरेको हो । त्यसो त पत्नी हत्या प्रमाणित भई जेलमा रहेका कोइरालाको सजाय छोट्याउने फैसला त्रुटीपूर्ण रहेको स्वयमः अदालतले स्वीकार गरिसकेको छ । सर्वोच्चले उक्त मुद्दाको पुनरावलोकन निवेदन अगाडी बढाएको छ ।

सर्वोच्च अदालतका प्रवक्ता भद्रकाली पोखरेलले अदालतमा विचाराधीन अवस्थामा रहेका मुद्दामा काम कारवाही र न्याय सम्पादनमा प्रभाव पर्ने गरी समाचारको प्रवाह वा टीका टिप्पणी नगर्न अनुरोध गरेका हुन् । सर्वोच्चको अर्को फैसला महाराजगञ्ज हिट एण्ड रन घटनाका अभियुक्तलाई धरौटीमा छाड्ने आदेश समेत विवादित भएको छ । पूर्वडीआईजी रञ्जन कोइरालाको सजाय घटाउने फैसला प्रधानन्यायाधीश चोलेन्द्रशम्शेर जबरासहितको वेञ्चबाट भएको हो ।