Epapers :

21-Oct-2019 | ४ कार्तिक २०७६, सोमबार

भन्सारका नासुसँग दुई करोड अकुत सम्पत्ति

१० असार २०७६, मंगलवार ०   बिचार / प्रतिक्रिया


काठमाडौं । अकुत सम्पत्ति आर्जन गरेको आरोपमा अख्तियार दूरुपयोग अनुसन्धान आयोगले भन्सारका नायव सुब्बा रामप्रसाद भट्टराईविरुद्ध मुद्दा दायर गरेको छ ।

कंचनपुर भन्सार कार्यालयमा कार्यरत भट्टराईविरुद्ध दुई करोडभन्दा बढी स्रोत नखुलेको रकम रहेको अख्तियारको दावि छ ।

आयोगका प्रवक्ता प्रदीपकुमार कोइरालाका अनुसार उनीसँग रहेको २ करोड ८ हजार ५ सय ४० रुपैयाँको स्रोत खुलेको छैन ।

सरकारीमा जागिरमा लागेपछि उनले बैधरुपमा १ करोड १४ लाख ९१ हजार रुपैयाँ बैध रुपमा कमाएका थिए । तर, अन्य रकमको भने उनले स्रोत खुलाउन नसकेको अख्तियारको दावि रहेको छ ।

उनीसँग अहिले रहेको ३ करोड १४ लाख ९१ हजार ६ सय ९१ रुपैयाँमध्ये दुई करोड अवैध रहेको अख्तियारको भनाई रहेको छ । उनी गत वर्ष साउनमा १० हजार घुस लिदालिदै अख्तियार टोलीबाट रंगेहात पक्राउ परेका थिए ।

आयोगले सोमबार अन्य तीन कसुरमा समेत मुद्दा दायर गरेको छ । अख्तियारका अनुसार नेपाल प्रहरीका इन्सपेक्टर, मालपोतका नासु, प्रधानाध्यापक र विद्यालय व्यवस्थापन समिति अध्यक्षविरुद्ध भ्रष्टाचार आरोपमा मुद्दा दायर गरेको हो ।

दुई साता अगाडी घुससहित पक्राउ परेका प्रहरी इन्सपेक्टर केशव बस्नेत, मालपोत कार्यालय चावहिलका नासु चन्द्रबहादुर श्रेष्ठ विरुद्ध अख्तियारले विशेष अदालतमा मुद्दा दर्ता गरेको हो ।

फेसबुकबाट तपाईको प्रतिक्रिया

सम्बन्धित समाचार