Epapers :

18-Jul-2019 | २ साउन २०७६, बिहिबार

चट्याङ र दूर्घटनाका छुट्टाछुट्टै घटनामा ८ जनाको निधन

१० असार २०७६, मंगलवार ०   बिचार / प्रतिक्रिया


काठमाडौं । देशका विभिन्न स्थानमा घटेका दूर्घटनामा परी मंगलबार ८ जनाले ज्यान गुमाएका छन् । रुपन्देही र दाङमा चट्याङमा परी ६ जनाको मृत्यु भएको छ । रौटहटमा सडक दूर्घटनामा परी २ जनाको मृत्यु भएको छ ।

रुपन्देहीको सैनामैना वडा नंंमा ६२ वर्षिय चन्द्रबहादुर बिक, कञ्चन गाउँपालिका वडा नंं मा ६० वर्षिय नन्दराम अर्याल र गैडहवा गाउँपालिका वडा ७ मा २५ वर्षिय भागवत दास लोधको मृत्यु भएको प्रहरीले पुष्टि गरेको छ । घरायसी काममा व्यस्त रहेका बेला उनीहरु चट्याङमा परेका थिए ।

उता, दाङमा चट्याङ लागेर ३ जना बालबालिकाको मृत्यु भएको छ । राप्ती गाउँपालिका ३ मौरीघाटका १३ वर्षका साजन चौधरी, ११ वर्षका रमित चौधरी र ११ वर्षकै बिनाश चौधरीको मृत्यु भएको प्रहरीले जनाएको छ । जामुनको रुखमा चढेका बेला उनीहरु चट्याङको शिकार बनेका थिए ।

उता, रौटहटमा सवारी दुर्घटनामा परी लागूऔषध मुद्दाका आरोपी चन्द्रपुर नपा ४ का २० बर्षीय निर्मल साह र सवारी ज्यान मुद्दाका सुनसरी इनर्वा १ का ४० वर्षीय रमेशकुमार चौधरीको ज्यान गएको छ । जिल्ला प्रहरी कार्यालय रौतहटले जनाएको छ ।

गौर चन्द्रपुर सडकखण्डमा प्रहरी भ्यान दुर्घटना हुँदा उनीहरुको निधन भएको हो । प्रहरीसहित ८ जना घाइते भएका छन् ।

थुनुवालाई म्याद थप गराउन चन्द्रपुरबाट जिल्ला अदालत गौर आउँदै गरेको प्रहरीको भ्यान बालचनपुरमा दुर्घटना भएको गौर प्रहरीले जानकारी दिएको छ ।

फेसबुकबाट तपाईको प्रतिक्रिया

सम्बन्धित समाचार