काठमाडौं । सत्तारुढ नेकपा भित्रको विवाद समाधानमा आज पनि छलफल जारी रहने भएको छ । सत्तारुढ नेकपाका अध्यक्षद्वय केपी शर्मा ओली र पुष्पकमल दाहाल प्रचण्डबीच सोमबार समेत छलफलले निरन्तरता पाउने नेकपाका नेताहरुले बताएका छन् । यसअघि आइतबार करीव ३ घण्टाका छलफलमा पनि कुनै निष्कर्ष निस्किएन । दुबै नेता आफ्नो अडानमा टसमस नभएपछि निष्कर्ष ननिस्किएको हो ।

दुबै नेताबीचको कैयौं पटकको छलफल निष्कर्षमा नपुग्दा पार्टी पंक्तिमा निरासा छाएको छ । यता, सरकारले पनि आफ्नो प्राथमिकता अनुसारका काममा भन्दा बढी सरकार बचाउमा केन्द्रित हुँदा मुख्य कामहरु प्रभावित बनेका छन् । आइतबार प्रधानमन्त्री निवास बालुवाटारमा हिजो झण्डै ३ घण्टासम्म दुई नेताबीच छलफल भएको थियो । सोमबार केही ठोस निष्कर्ष निस्कने अपेक्षा नेताहरुले गरेका छन् । साउन १३ गते स्थायी कमिटी बैठक स्थगित भएयता दुई अध्यक्ष बीच सम्बन्ध झनै चिसिएको छ ।