काठमाडौं । नेपालमा सुनको मूल्यले अन्ततः चार अंकको आंकडा पार गरेको छ । अर्थातः अब प्रतितोला सुनको भाउ १ लाखभन्दा माथि पुगेको हो । बुधबार सुनको मुल्य तोलामा १६ सयले बढ्यो । अब प्रति तोला १ लाख १ हजार ४ सय रुपैयाँ मूल्य कायम भएको नेपाल सुनचाँदी महासंघले जानकारी दिएको छ । मंगलबार सुन प्रतितोला ९९ हजार ८ सयमा कारोबार भएको थियो।

बुधबार तेजावी सुनको मुल्य प्रति तोला एक लाख ९०० मा कारोबार भयो । बुधबार चाँदीको मुल्य पनि बढेको छ। महासंघका अनुसार बुधबार चाँदी प्रतितोला ६५ रुपैयाँले बढेर १२ सय ९५ मा कारोबार भएको छ ।

अन्तर्राष्ट्रिय बजारमा लगानीकर्ताको चाप सुनमा भएपछि सुनको मूल्यले आकास छोएको हो । कोरोना महामारीका बीच शेयर बजारमा पहिरो गएको छ । शेयरमा हुने लगानी सुनमा ओइरिएपछि यसको भाउ बढेको विश्लेषकहरु बताउाछन् । सुनको भाउ बढेपनि बजारमा कारोबार भने नगन्य मात्र रहेको छ ।