विश्व

लेबनान विस्फोटमा ज्यान गुमाउनेको संख्या १३५

बेरुत । लेबनानको राजधानी बेरुतमा मंगलबार भएको विष्फोटमा ज्यान गुमाउने मानिसको संख्या १ सय ३५ पुगेको छ । यो घटनामा चार हजारभन्दा बढी घाइते छन् । ७० जनाको घटनास्थलमै मृत्यु भएको थियो । इतिहासकै ठूलो गैरआणविक विष्फोट मानिएको यो घटनामा कैयौं मानिस घाइते भएका कारण हताहती अझै बढ्न सक्ने बताइएको छ ।

राजधानीमा असुरक्षित रूपमा राखिएको २ हजार ७ सय ५० टन अमोनियम नाइट्रेटका कारण विस्फोटन हुँदा लेवनानले ठूलो मानवीय तथा भौतिक क्षति बेहोरेको छ । घटनाको अनुसन्धान शुरु भएको सरकारले जनाएको छ । यो बन्दरगाहका केही अधिकारीलाई निवासमै नजरबन्दमा राखिएको छ । विष्फोटले बेरुतमा भूकम्प ल्याएको थियो । सोधकर्ताले यो विष्फोट जापानमा ७० वर्ष अगाडी खसालिएको आणविक बमको १० भागको एक भाग क्षमताको भएको बताएका छन् ।

https://test.hamrocompany.com/archives/13960