समाचार

प्लास्टिकको पार्टेसन च्यातेर यसरी भयो 'लिफ्ट' ड्राइभर माथि आक्रमण (भिडियो सहित)

न्युयोर्क

फ्लोरिडामा एक यात्रुले गाडी चलाईरहेका  लिफ्ट ड्राइभरलाई पछाडिबाट घाँटी थिचेर न्याकेको भिडियो सार्वजनिक भएको छ । ३६ वर्षीय ट्राभिस स्मिथ नाम गरेका यात्रुले कोरोना संक्रमणबाट सुरक्षित राख्न बनाएको पार्टेसनलाई च्यातेर कार चालकको गर्धन थिचेको भिडियो सार्वजनिक भएको हो ।  घटना गत आईतबार बिहानको हो ।  

सुरुमा पेसेन्जर र ड्राइभरको बीचमा टांगिएको प्लास्टिकको पर्दाको बारेमा ड्राइभरसँग कुरा गरिरहेका स्मिथले अकस्मात प्लास्टिक पर्दा च्यातेर गाडी चलाईरहेका ड्राइभर माथि आक्रमण गरेको भिडियोमा देखिएको छ ।  गाडी चालक माथि आक्रमण हुँदा गाडी भित्र तीन जना चढेको भिडियोमा देखिएको छ ।  स्मिथले चालकलाई आक्रमण गर्न थालेपछि संगै रहेका अर्का ब्यक्ति ढोका खोलेर भागेको देखिएको छ भने नाबालक बच्चा डराएर चिच्याएको आवाज पनि भिडियो सुनिएको छ ।