वासिंटन डिसी । अमेरिकाका वरिष्ठ फिजिसियन डाक्टर एन्थोनी फाउची ट्रम्प प्रशासनका खरो आलोचक हुन् । अर्कोतर्फ उनी सत्य बोल्छन् । राष्ट्रपति डोनाल्ड ट्रम्पले असत्य र अप्रमाणित विषय बोल्दा फेसबुकले समेत स्टाटस हटाइसकेको अवस्थामा कोरोना भाइरसका सम्बन्धमा वास्तविकता बाहिर ल्याउने फाउचीले आफुमाथि ज्यान मार्ने धम्की आएको जानकारी गराएका छन् ।

अमेरिकी संचारमाध्यमहरुका अनुसार कोरोना नियन्त्रणमा ट्रम्प प्रशासनका काम र गतिविधिको आलोचना गरेका उनीमाथि ज्यान मार्ने धम्की आएको हो । उनले कोरोना महामारी नियन्त्रणका लागि अमेरिकामा के–के भइरहेको छ भनेर सार्वजनिक रुपमा विस्तारमा बताएकै कारण आफूलाई ज्यान मार्ने धम्की आएको तथा छोरीलाई अनाहकमा दुःख दिइएको उनले सार्वजनिक रुपमै जानकारी गराएका छन् ।

ह्वाइट हाउस कोरोना भाइरस टास्क फोर्सका सदस्यसमेत रहेका उनले सीएनएनसँगको अन्तरर्वार्तामा यस्तो खुलासा गरेका हुन् । उद्दपी धम्की कहाँबाट आएको छ भन्नेबारे उनी खुल्न चाहन्न् ।