मनोरञ्जन

अमेरिकामा रहेका लोकगायक प्रेमराजा महत र श्रीमतीलाई कोरोना

काठमाडौं । अमेरिकामा रहेका वरिष्ठ लोकगायक प्रेमराजा महत र उनकी श्रीमती कविता महतलाई कोरोना भाइरसको संक्रमण भएको छ । उनी अमेरिकाको मेरिल्याण्ड तथा पेन्सेलभेनिया राज्यका लागि नेपाल सरकारको महावाणिज्यदूत समेत हुन् । महत स्वयमःले यसको पुष्टी गरेका छन् ।

लोकगायक महतले सामाजिक सञ्जाल फेसबुकमार्फत् आफू र पत्नी दुवै सङ्क्रमित भएको जानकारी गराएका हुन् । उनले घरको एक एक कोठामा आइसोलेशनमा बसेको जानकारी गराएका छन् । कोरोना सङ्क्रमणबाट जोगिन समयमै सतर्कता अपनाउन र यदी भइहाल्यो भने पनि गोप्य नराखी सबैलाई जानकारी दिन महतले आह्वान गरेका छन् ।