रोचक खवर

आज कोरोना संक्रमित थपिने भन्दा निको हुने धेरै

काठमाडौं । साउन पहिलो सातायता कोरोना भाइरसको संक्रमणको ग्राफ उकालो लागेको थियो । जसले गर्दा निको हुनेको तुलनामा थप हुने संख्या बढी थिए । आज भने पछिल्लो २४ घण्टामा कोरोना संक्रमित भन्दा कोरोनालाई जित्नेको संख्या धेरै भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४९९ जनाले कोरोना भाइरसलाई जित्न सफल भएका छन् । यससँगै अब नेपालमा डिस्चार्ज हुनेको संख्या १५ हजार ८१४ पुगेको छ ।

यस अवधिमा थप हुने संक्रमितको संख्या भने ३७८ थियो । कुल संक्रमित २२ हजार ५ सय ९२ रहेको छ । मन्त्रालयका अनुसार शनिबारसम्म १० हजार ७९२ जना मानिस क्‍वारेन्टीनमा बसेका छन् । अब देशभर सक्रिय संक्रमितको संख्या ६ हजार २०६ रहेको छ । मुत्यु हुनेको संख्या ७३ पुगेको छ । कोरोना भाइरसले अहिले सबैभन्दा धेरै प्रभावित पर्सा बनेको छ ।