28-Sep-2020 | [nepali_today_date]

हेभेन्ली पाथद्वारा ११ औं दिनसम्म खाना-पानी वितरण

August 10, 2020 ०   बिचार / प्रतिक्रिया


न्युयोर्क

बिदेशमा बस्ने नेपालीहरुको संयोजनमा काठमाडौंका विभिन्न स्थानहरुमा दिनदु:खी र असहायहरुलाई हेभेन्ली पाथले खाना र पानी वितरण गरेको छ । हेभेन्ली पाथ अमेरिकाका अध्यक्ष सुकु रुम्दाली र महासचिव हर्क चाम्लिङको संयोजनमा विभिन्न राज्यहरुबाट सहयोग संकलन गरि १० औं दिनसम्म खाना र पानी बितरण गरिएको हो । हेभेन्ली पथ हङकङका उपाध्यक्ष एम डि गाया राईबाट १ दिन गरि ११ औं दिनको खाना पानी वितरण गरिएको हो । काठमाडौका पशुपति क्षेत्र, बालाजु, जे. पि. रोड, ठमेल, रत्नपार्क, सोह्रखुट्टे लगायतका स्थानहरुमा प्रिजनर्स एस्सिस्टेन्स नेपालका संस्थापक तथा चियर पर्सन पि.ए. इन्दिरा राना मगरको सहकार्यमा नेपालबाट हेभेन्ली पाथ नेपालका सम्पर्क सचिव मनु (स्काई) ले संयोजन गर्नु भएको थियो । यस कार्यका लागि ११ औं दिनसम्म गायक सुबि राई, हेभेन्ली पाथ नेपाल जिल्ला शाखा काठमाडौंका उपाध्यक्ष शोभा राई , युवा संघ काठमाडौं जिल्ला शाखाका अध्यक्ष प्रेरणा वाम्बुले, चन्द्र देवान, हरिकला साम्पाङ, कादम्बिनी चाम्लिङ, जिना राई, सहदेव श्रेष्ठ, त्रिसला राई प्रनेश राई, सम्राट राई, सन्तोष(होलि) लगायतले स्वयंसेवकको रुपमा कार्य गरेका थिए भने खाना होटल चपलेटीबाट होटलका ब्यवस्थापक आनन्द राईले ब्यवस्था गरेको थियो ।

अमेरिकाबाट सेमिङ्ग गुरुले अमेरिकामा रहेका विभिन्न  राज्यमा भएका यात्रीहरुसँग सहकार्य, सहमति गरी यस कार्यक्रम सफल पार्नुमा विशेष भुमिका निर्वाह गर्नु भएको थियो भने, अमेरिकाबाट मिडिया कोअर्डिनेटर सुम्नु देवी राईले देशविदेशमा छरिएर बस्नु भएका सबै यात्रीहरुमा यस कार्यक्रम सफल बनाउनको लागि बिशेष भुमिका निभाउनु भएको थियो । विपत्तिमा परेकाहरुलाई निरन्तर खाना खुवाउने योजना हुदाहुदै पनि नेपालमा कोरोना संक्रमण बढ्दै गएकोले हालको लागि बन्द गरिएको छ भने निकट भविष्यमा संसारभरी छरिएर बसेका यात्रीहरुको तर्फबाट आवश्यक भए फेरि पनि विपत्तिमा परेकाहरुलाई खानपिनको व्यवस्था गर्ने हेभेन्ली निर्वाणा पाथ- हंगकंगको  उप-सभापति गाया राई एम्.डिले जानकारी गराउनु भएको छ ।

(अमेरिकाबाट सुम्नु देवी राई)

Loading...

फेसबुकबाट तपाईको प्रतिक्रिया

सम्बन्धित समाचार