समाचार

आयो एसईई रिजल्ट, करिष्मा मानन्धर र शान्ता चौधरीको नतिजा के भयो ?

काठमाडौं । परीक्षा नियन्त्रण कार्यालयले माध्यमिक शिक्षा परीक्षा (एसईई)को रिजल्ट सार्वजनिक गरेको छ ।

बिहीबार दिउँसो साधारणतर्फ ४ लाख ४९ हजार ६ सय ४२ र प्राविधिकतर्फ ९ हजार ६ सय ३३ विद्यार्थीको नतिजा सार्वजनिक भएको हो ।

परिक्षा नियन्त्रण कार्यालयका अनुसार २०७५ को एसईईमा ३.६ देखि ४ जीपीएसम्म ल्याउने विद्यार्थीको संख्या १७ हजार ५ सय ८० जना रहेको छ ।

३.२ देखि ३.६ जीपीएसम्म ल्याउने विद्यार्थी ५१ हजार १ सय ३७ जना रहे । २.८ देखि ३.२ जीपीएसम्म ल्याउने ६३ हजार ७ सय ४१ जना भएको कार्यालयले जानकारी दिएको छ ।

२ देखि २.४ जीपीएसम्म ल्याउने विद्यार्थी ९८ हजार २ सय ७ जना रहेका छन् । १.६ देखि २ जीपीएसम्म ल्याउने ९५ हजार ३ सय ७ जना, १.२ जीपीएदेखि १.६ जीपीएसम्म ल्याउने परीक्षर्थीको संख्या ४३ हजार ८ सय ४१ जना रहेको कार्यालयको तथ्यांक रहेको छ ।

दुई विषयसम्म सी वा सी भन्दा तलको ग्रेड आएमा पूरक ग्रेडवृद्धि परीक्षामा सहभागी हुन सक्ने प्रावधान रहेको छ । नतिजामा चित्त नबुझे १५ दिन भित्र उजरी समेत गर्न सक्ने व्यवस्था मिलाइएको छ ।

यस वर्ष नायिका करिश्मा मानन्धरले पनि एसईई परीक्षा दिएकी थिइन् । उनले ‘बी प्लस ग्रेड ल्याएकी छिन् ।  यस अनुसार नायिका करिश्माले जीपीए ३ प्राप्त गरेकी छन् ।

उता, सांसद शान्ता चौधरी बी ग्रेड प्राप्त गर्न सफल भइन् । उनले २.६५ जीपीए ल्याएकी छन् । यसै वर्ष उनी यस वर्ष छोरीसँगै एसएलसी परिक्षामा सहभागी थिइन् । छोरीको भने बी प्लस ल्याएकी छन् ।