स्वास्थ्य

कोरोनाका कारण ज्यान गुमाउनेको संख्या ९६ पुग्यो, शुक्रबार एक जना थप

विराटनगर । नेपालमा कोरोना भाइरसको संक्रमणका कारण ज्यान गुमाउनेको संख्या ९६ पुगेको छ । शुक्रबार थप एक जनाको ज्यान गएको छ । गतराति कोशी अञ्चल अस्पताल विराटनगरमा सिरहाको विष्णुपुर गाउँपालिका १ गौरीपुरका ४० वर्षका पुरुषको ज्यान गएको बताइएको छ ।

ज्वरो, टाइफाइड र श्वासप्रश्वासमा समस्या देखिएका उनी बुधबार विराटनगर पुगेका थिए । उनको आइसोलेशनमा उपचार भइरहेको थियो । उनमा मृत्युपछि कोरोना रिपोर्ट पोजेटिभ आएको छ । उनको शव व्यवस्थापको तयारी भइरहेको प्रहरीले जनाएको छ । नेपालमा पछिल्ला दिनमा कोरोना भाइरसका कारण ज्यान गुमाउनेको संख्या तिब्र गतिमा उकालो लागेको छ ।