सिन्धुपाल्चोक । सिन्धुपाल्चोक, जुगल गाउँपालिका–२ लिदीमा गएको भीषण पहिरोमा परी ज्यान गुमाउने व्यक्तिका परिवारले राहतस्वरुप एक\एक लाख रुपैयाँ पाउने भएको छन् । विपद् व्यवस्थापन समितिको बैठकले यस्तो निर्णय गरेको छ । उनीहरुले किरिया खर्चवापत तत्काल २५ हजार पाउने समेत निर्णय गरिएको छ ।

आफ्ना दुवै अभिभावक गुमाएका बालबालिकालाई कक्षा १२ सम्म निःशुल्क आवासीय शिक्षाको व्यवस्थापन गर्ने निर्णय समेत स्थानीय तहले गरेको छ ।
जुगल गाउँपालिका–२ लिदीमा शुक्रबार बिहान खसेको पहिरोमा परी १७ जनाको मृत्यु भइसकेको छ । अन्यको खोजी कार्य जारी रहेको छ । अहिले विपदको सामना गरीरहेका लिदीबासीका लागि विभिन्न क्षेत्रबाट राहत प्राप्त हुने क्रम जारी रहेको छ ।