भरतपुर । बुधबार चितवनमा थप ३० जनामा कोरोना भाइरस संक्रमण पुष्टि भएको छ । चितवनका २० र अन्य विभिन्न जिल्लाबाट उपचार गर्न यहाँ आइपुगेका १० जनाा कोरोना पुष्टी भएको हो । भरतपुर अस्पतालस्थित कोभिड–१९ परीक्षण प्रयोगशालामा मंगलबार राति गरिएको परीक्षणमा चितवनको भरतपुर महानगरपालिकाका १२ जना, खैरहनीका ५ जना, राप्ती नगरपालिकाका २ जना र रत्ननगरका १ जनामा कोरोना संक्रमण पुष्टि भएको छ ।

उता, नवलपुरका ५, महोत्तरी, बाँके, तनहुँ, मकवानपुर र बाराबाट उपचारका लागि आएका एक–एक जनामा कोरोना देखिएको छ । काठमाडौं र पर्सा र बारापछि चितवन कोरोना भाइरसको महामारीको चपेटामा पर्न थालेको छ । भरतपुर अस्पताल, मौलाकालिका अस्पताल र नारायणी सामुदायिक अस्पतालबाट लिइएको स्वाबमा कोरोना देखिएको छ ।