23-Nov-2019 | ७ मंसिर २०७६, शनिबार

जहाजमा बमको हल्लापछि आकस्मिक अवतरण

१३ असार २०७६, शुक्रबार ०   बिचार / प्रतिक्रिया


भारतको मुम्बईबाट अमेरिकाको न्यूयोर्क जान उडेको एयर इण्डियाको जहाजमा बमको हल्लापछि आकस्मिक अवतरण गरिएको छ ।

उक्त जहाज बेलायतको लण्डनमा आकस्म्कि अवतरण गरिएको हो । एआई१९१ विमान उत्तर पश्चिमी लण्डनको स्टेनस्डेड विमानस्थलमा बिहीबार अवतरण गराइएको थिया ।

जहाज अवतरण गराई हरेक यात्रुको एक एक गरी सुरक्षा जाँच गरिएको थियो । तर, बमको पुष्टी भने हुने सकेन । सर्वसाधारणलाई त्रसित बनाउन यस्तो हल्ला चलाइएको अधिकारीहरुले आशंका गरेका छन् ।

एयर इण्डियाले पनि शुरुमा जहाजमा बम भएको उल्लेख गर्दै टुइट गरेपनि पछि हटाएको थियो । विमानस्थलका अनुसार स्थानीय समय अनुसार बिहान १० बजेट जहाज विमानस्थलमा अवतरण गराइएको थियो ।

जहाजलाई अलग्गै स्थानमा राखी चेकचाज गरिएको थियो । भारतबाट उड्ने जहाजमा बमको हल्ला बढी नै चलाइन्छ । जहाजमा कति यात्रु थिए भन्नेबारे भने खुलाइएको छैन ।

उता, रुसमा एक यात्रुबाहक जहाज विमानस्थल नजिकैको घरमा ठोक्किदा चालक दलका दुई सदस्यको ज्यान गएको छ ।

४३ जना यात्रु भने सकुसल रहेको रुसी सञ्चारमाध्यमहरुले जानकारी दिएका छन् । रुसको साइबेरीयामा यो दूर्घटना भएको हो ।

रुसको उडान उडबाट साइबेरीयाको निझनियनगास्र्कतर्फ जहाज उडेको थियो । विमान आकस्मिक अवतरणका क्रममा दूर्घटनामा परेको र दूर्घटनालगत्तै आलो लागेको प्रत्यक्षदर्शीले बताएका छन् ।
एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार