नयाँ दिल्ली । भारतमा कोरोना भाइरसबाट एकै दिन सर्वाधिक संख्यामा कोरोना भाइरसका संक्रमित थप भएका छन् । २४ घण्टामा ६८ हजार भन्दा धेरै व्यक्तिमा कोरोना पुष्टी भएको हो । यो भारतमा एकै दिन देखिएको सर्वाधिक संख्या हो । भारतमा एकैदिन ६८ हजार पाँच सय मानिसमा कोरोना देखियो । यो अवधिमा ९ सय ८१ जनाको मृत्यु भएको छ ।

भारतमा अहिलेसम्म २९ लाख चार हजार भन्दा माथि सङ्क्रमण पुगेको छ । ५४ हजार नौ सय ७५ जनाको ज्यान गएको छ । २४ घण्टामा कोरोना भाइरसबाट ब्राजिलमा ११ सय १५ जना र अमेरिकामा नौ सय ८५ जनाको ज्यान गएको छ ।

विश्वका दुई सय १३ देशमा फैलिएको कोरोना भाइरसबाट एकैदिन ५ हजार ६सय १७ जनाको ज्यान गएको छ । अब विश्वभर ज्यान गुमाउनेको संख्या ७ लाख ९५ हजार ८ सय भन्दा धेरैको ज्यान गएको छ । विश्वभर २ करोड २८ लाख आठ हजार भन्दा धेरैमा सङक्रमण भएको छ । १ करोड ५४ लाख ९१ हजार मानिस निको भएका छन् ।