न्युयोर्क

अमेरिकाबाट नेपालमा पैसा पठाउनका लागि सानिमा एक्सप्रेसले न्युयोर्क सहरको ज्याक्सन हाइट्समा शाखा बिस्तार गरेको छ । नेपालको सानिमा बैंक लिमिटेडद्वारा सञ्चालित रेमिटेन्स सेवा अन्तर्गतको ‘सानिमा एक्सप्रेस’ ले न्युयोर्कमा नेपालीको बाक्लो बस्ति भएको स्थानबाट सेवा शुरु गरेको हो ।

नयाँ शाखा सञ्चालनको जिम्मेवारी व्यवस्थापक प्रदिप श्रेष्ठले लिएका छन् । न्युयोर्कको क्वीन्सस्थित ज्याक्सन हाइट्सको 3766 74th St. F2 Suite B2 मा रहेको कार्यालयबाट सेवा लिन सकिने छ । नेपालमा रहेको सानिमा बैंकमा खाता खोलेर खाता मार्फत वा सिधै व्यक्तिलाई अमेरिकाबाट नेपालमा तुरुन्तै भुक्तानि हुनेगरी रकम पठाउन सकिनेछ । प्रेषित रकम नेपालभर रहेका सानिमा एक्सप्रेसको १६,००० शाखाहरु मध्ये जुनसुकै शाखाबाट लिन सकिनेछ । 

अगष्ट २३ तारिख नयाँ शाखाको उदघाटन गर्दै व्यवस्थापक श्रेष्ठले भनेका छन्; “हामी अन्यको तुलनामा सबैभन्दा आकर्षक दरमा नेपालमा तुरुन्तै भुक्तानि हुने गरी सेवा दिने छौं । यहाँ कुनै झमेला बिना सामान्य परिचय पत्रले नै रकम पठाउने कार्य हुनेछ” ।