काठमाडौं । टी-२० विश्वकप क्रिकेट छनोट खेल्ने तयारीमा रहेको नेपाली क्रिकेट टीमले मलेसियासँग २ खेलको सिरिज खेल्ने भएको छ । आइसिसी टी–२० विश्वकपअन्तर्गत एसिया छनोटमा यी दुई टोली पनि प्रतिस्पर्धा गर्नेछन् ।

त्यस अगाडी नै दुई देशबीच सिरिज हुने भएको हो । छनोट चरणको तयारीकै क्रममा सिरिज खेल्न लागिएको बताइएको छ ।

यी दुई मुलुकबीच पहिलो खेल २८ असार र दोस्रो खेल २९ असारमा तय भएको छ । मलेसियाको किनरारा ओभलमा खेल हुने मलेसियन क्रिकेट संघले उल्लेख गरेको छ ।

यो सिरिज अघि नेपाली टीमले मलेसियामै तयारी गर्ने कार्यक्रम तय भएको छ । सिरिज खेलेपछि टोली सिंगापुर जाने कार्यक्रम बनाइएको छ ।

अहिले भने नेपाली टोली विश्वकप छनोटको तयारी कीर्तिपुरस्थिति मैदानमा गरिरहेको छ। शनिबार नेपालको अन्तिम घोषणा गर्ने कार्यक्रम छ ।

छनोट प्रतियोगिता भने आगामी ६ साउनबाट १२ गते सम्म चल्नेछ । नेपालसहित सिंगापुर, कुवेत, मलेसिया र कतार प्रतिस्पर्धा गर्ने यस प्रतियोगिताको शिर्ष टोली ग्लोबल छनोटका लागि छानिनेछ ।

अक्टोबर ११ देखि ३ नोभेम्बरसम्म चल्ने आइसिसी टी–२० विश्वकप ग्लोवल छनोट प्रतियोगितामा भने १४ टिम प्रतिस्पर्धा गर्नेछन् । त्यसमध्ये १४ टीमको तय भइसकेको छ ।

अब अमेरिकाबाट २ टिम, एसिया र युरोप छनोटबाट १–१ टिम गरी ४ टीमको तय हुन बाँकि छ । १४ बाट मात्र ६ टिम टी–२० विश्वकप खेल्न छनोट हुनेछन् ।