काठमाडौं । शुक्रबार मलेसियाबाट एउटै जहाजले नेपालीका १६ वटा शव नेपाल ल्याएको छ । कोरोना भाइरस र लकडाउनका कारण विदेशमा अड्किएका नेपाली नागरिकको उद्धारका क्रममा शव ल्याउने क्रम समेत जारी छ । सोही सिलसिलामा आज १६ वटा शव नेपाल ल्याइएको हो ।
त्रिभुवन विमानस्थल कार्यालयका अनुसार नेपाल एयरलाइन्सको जहाजले मलेसियाबाट २६२ यात्रुलाई काठमाडौं ल्याएको छ । सोही जहाजमा उक्त शवहरु समेत ल्याइएको हो । यसअघि बिहीबार साउदी अरबबाट ६ शव नेपाल ल्याइएको थियो ।
आज मलेसियाबाट नेपाल एयरलाइन्स र हिमालय एयरलाइन्सले उडान गरे । हिमालय एयरलाइन्सले १५६ जना यात्रु काठमाडौं ल्याएको छ ।
