मनोरञ्जन

गायक महत दम्पत्तिले जिते कोरोना

पेनसेलभेनिया । मेरिल्याण्ड र पेनसेलभेनियाका लागि महावाणिज्यदूत तथा वरिष्ठ लोकगायक प्रेमराजा महत दम्पत्तिले कोरोनालाई जित्न सफल भएका छन् । उनीहरुमा ७ अगस्टमा कोरोना पुष्टी भएको थियो । आफु र पत्नी कविता महत कोरोनाबाट मुक्त भएको महतले जानकारी गराएका छन् ।

महतले श्विभर रहेका हजारौं हजार इष्टमित्रहरूको आशिर्वाद र माया प्रेमले दिएको हिम्मतका कारण नै घातक संक्रमण गर्ने विश्व महामारीको मूलजड कोरोनालाई परास्त गर्ने सफलता मिलेको उल्लेख गरेका छन् । महतले सबैको गहिरो मायाप्रेम, भगवान पशुपतिनाथ र ईष्टदेवी तनहुँ अवस्थित ढोर बाराहीमाईको कृपाका कारण आफूहरु कोरोनामुक्त भएको समेत लेखेका छन् ।