फिचर

अल्का अस्पतालकी कर्मचारीको जंगलमा भेटियो शव

ललितपुर । ललितपुरस्थित अल्का अस्पतालमा कार्यरत एक महिला कर्मचारीको हत्या भएको छ । अस्पतालमा कार्यरत ३९ वर्षीय गीता केसीको हत्या भएको हो । प्रहरीका अनुसार उनको शव गोदावारी नगरपालिका–१०, मुलडोलमा पर्ने लेलेको जंगलमा फेला परेको छ ।

प्रहरीले हत्यामा संलग्न रहेको आशंकामा एक जनालाई पक्राउ समेत गरेको छ । पक्राउ पर्नेमा केसीका भतिजा निर्मल केसी रहेका छन् । घटनाबारे थप अनुसन्धान भइरहेको प्रहरीले जनाएको छ । प्रारम्भिक अनुसन्धानबाट गीताको घाँटी थिचेर हत्या भएको अनुमान प्रहरीले गरेको छ ।

केसीको परिवारले उनी हराएको निवेदन तीन दिन अगाडी महानगरीय प्रहरी परिसर, ललितपुरमा दिएका थिए । त्यसपछि प्रहरी खोजी थालेको थियो । उनको शव शुक्रबार साँझ मुख्य सडकबाट दुई सय मिटरभित्र लेलेको जंगलमा फेला परेको हो । आज बिहान उनको शव पुष्टी भएको हो ।